Policia ka zbardhur ngjarjen e sotme në autostradën Durrës-Tiranë, ku Indrit Beqiraj u mbajt peng për dy orë nga disa persona. Sipas policisë vëllezërit Gentian dhe Indrit Beqiraj kanë qenë duke udhëtuar me motor dhe dyshohet se janë përfshirë në një incident rrugor, pasi një automjet ka goditur motorin e tyre, i cili për pasojë ka dalë nga rruga.
Për këtë shkak, dy vëllezërit janë konfliktuar fizikisht me personat që ishin në automjet.
Në konflikt e sipër, personat që ishin në automjet kanë marrë njërin prej vëllezërve, konkretisht Indrit Beqirajn të cilin e kanë lënë në rrugë, larg nga vendi i konfliktit, dhe më pas janë larguar.
Nga strukturat hetimore të Drejtorisë Vendore të Policisë Durrës, nën drejtimin e Prokurorisë, në bazë të kallëzimit të Beqirajt është regjistruar procedimi penal dhe po punohet për sqarimin e motivit dhe të rrethanave të ngjarjes, si dhe për implikimin e këtyre personave, në ngjarje të tjera.
Discussion about this post