Është zbardhur ngjarja e rëndë që çoi në plagosjen me thikë të 22-vjeçarit Julian Goga në Fier. Mësohet se, krimi është vazhdim i ngjarjes së ndodhur më 24 shkurt, ku sërish shënjestra ka qenë 22-vjeçari i plagosur sot me thikë.
Më 24 shkurt, Goga u rrëmbye, u dhunua dhe kërcënua nga dy vëllezërit Igli dhe Endri Ajdini, pasi i kishte ngacmuar të dashurën njërit prej tyre. Ishte vetë 22-vjeçari që denoncoi rrëmbimin e tij pasi u lirua dhe policia arrestoi dy vëllezërit Ajdini.
Por të afërmit e të rinjve se kanë lënë me kaq, pasi sot ka qenë kunati i dy vëllezërve vetëm 19-vjeç që e ka sulmuar duke e plagosur me thikë të riun. Ky i fundit përfundoi në spital në sallën e operacionit, ndërsa autori është arrestuar nga policia.
Discussion about this post