Ilir Kulla, ekspert i sigurisë, zbuloi mbrëmjen e sotme shkakun që çoi në përplasjen mes Edi Ramës dhe Arben Ahmetajt.
Në emisionin “Zonë e Lirë”, Kulla tha se përplasja mes tyre nuk ka lidhje me inceneratorët. “Ndoshta është fakti se Arben Ahmetaj ishte fuqizuar shumë, po fuqizohej shumë edhe në qarqet që thuhet, përfshi edhe ato të Soros, dhe mund ti jetë hapur oreksi për të pasuar Edi Ramën. Ndoshta ky është shkaku që çoi në përplasjen mes tyre”, tha Kulla.
Ai kujtoi momentin kur kishte takuar Ahmetajn në ditën kur Bajram Begaj mori detyrën e Presidentit.
“E takova në Presidencë, ishte me ambasadorin Italian, kaloi shumë afër Edi Ramës dhe nuk folën. Pra kishte një përplasje mes tyre. Të nesërmen u shkarkua. Nëse nuk do të ishte periudha e ndryshimit të Presidentit, Edi Rama do e shtynte shkarkimin e tij”, tha Kulla.
Lidhur me deklarimin e Ahmetajt se ka folur me 3 shërbime sigurie, Kulla u shpreh se nuk e beson aspak që shërbimet sekrete do të merren me një ish-zyrtar, qoftë edhe të lartë që është larguar nga detyra.
“Vërtet mendoni se do të merret dikush me këtë gjë? Pse s’kanë punë më të rëndësishme? Të jetë se shërbimet merren, shkojnë e merren me të zotin e punës, jo me atë që ka ikur”, tha Kulla.
Discussion about this post