Jo vetëm në Shqipëri. Duket se “Big Brother VIP” i ka hap dyer Beniada Nishanit edhe në Itali. Modelja ka qenë së fundmi e ftuar në emisionin “Tiki-Taka” i cili transmetohet në gjigantin italian “Mediaset”.
Prezencën e saj atje e ka treguar vetë Beniada në rrjetet sociale ku ka ndarë fotografi të ndryshme nga prapaskena, teksa bëhet gati, me bashkëpunëtorë dhe gjatë intervistës.
Përballë Piero Chiambretti, Beniada ka dhënë një intervistë të sinqertë dhe ka zbuluar detaje që publiku italian mund të mos i dinte për të. “Tiki Taka” i dedikohet sportit. Emisioni, i cili transmetohet në “Mediaset” mbledh çdo të hënë ekspertët dhe gazetarët më të mirë nga fusha e sportit dhe Beniada ishte një nga të përzgjedhurat e mbrëmjes së djeshme.
Kujtojmë se, në këtë emision kohë më parë ka qenë e ftuar edhe Eva Murati. Beniada arriti përmes “Big Brother Vip” ëndrrën për tu bërë pjesë e ekranit shqiptar. Qëkur ishte brenda shtëpisë më të famshme, asaj iu ofrua posti i moderatores në emisionin sportiv “Procesin Sportiv”.
Por me të dalë, ajo mori edhe një tjetër format, një rubrikë në “E diell”. Kështu ka nisur një jetë e re për modelen, e cila ka lënë përfundimisht jetën në Itali, duke u zhvendosur në Tiranë, ku mund të jetë më pranë punëve dhe projekteve të shumta që e presin.
Discussion about this post