Reperi i njohur kosovar, Xhonatan Isuli, ose siç njihet edhe me emrin e artit, Don Xhoni, ka publikuar një video nga një “shtëpi bari”.
Ai ndiqet nga 657 mijë ndjekës në rrjete sociale dhe shpesh, publikon fotot e video të shumta, por kësaj radhe ai ka dashur të “mburret” me parcelat e hashashit që ka në Belgjikë. Në videon e publikuar ai shihet i rrethuar nga bimët narkotike në një vend të mbyllur.
Në të shkruhej: “Kam parcela midis Belgjike nuk merrna me teglla”
Ndërsa faqja e njohur në rrjetin social “Instagram” – ‘Vipat e Bllokut’ kanë publikuar edhe një fotografi të reperit, i cili pas disa minutave e ka fshirë.
Rikujtojmë se reperi është gjobitur gjithashtu edhe nga policia e Kosovës pasi nuk kishte respektuar masat anti-Covid, duke dalë në qytet gjatë orës policore.
