Sikur ta dinin shkodranët se po paguajnë 400 milionë lekë nga taksat e tyre për vizimet e rrugëve kryesore, do të habiteshin. Sigurisht që edhe ekspertët do të thoshin se ky fond i tejkalon nevojat. Gjithsesi këtë e ka vendosur kryetari Benet Beci dhe ka njoftuar tenderin.
Bëhet fjalë për prokurimin me numër reference REF-98654-03-18-2024 dhe objekt ‘Përmirësimi i Sinjalistike Horizontale dhe Vertikale në segmentet kryesore, Bashkia Shkodër’. Për projektin paratë do të merren nga buxheti i këtij viti në bazë të planit afatmesëm 2024-2026. Pra, Beci po u merr shkodranëve edhe taksat që do të paguajnë vitet e ardhshme për heqjen e vizave të bardha.
Në dokumentet e tenderit vërejmë që kryetari ka bërë disa manovra, të cilat shkelin ligjit mbi prokurimet, por i mundësojnë Becit që të abuzojë me fondin.
Deri me datë 3 prill 2024, kur ka qenë afati i fundit i dorëzimit të ofertave kanë shfaqur interes 5 kompani, ku RSM COMPANY kishte paraqitur ofertën më të lirë me vlerë 290 milionë lekë. Kjo kompani vlerëson se për të bërë vijëzimet në disa rrugë dhe për të vendosur tabelat përkatëse shpenzimet mund të mbulohen me 25 deri në 30% më pak se sa fondi limit i parashikuar.
Kryetari Beci nuk e ka pranuar ofertën, por e ka skualifikuar kompaninë me argumentin se nuk ka certifikim për vendosjen e sinjalistikës jo ndriçuese. Pra, kërkohet certifikim edhe për të bërë disa vija të bardha!
Kështu, duke gjetur këto argumente skualifikimi, në fund mbeti e vlefshme vetëm oferta e firmës “ JUBICA” SHPK, në pronësi të Ndoc Kullës. Duke mos patur asnjë konkurrent përballë, Kulla u shpall fitues nga Beci. Kjo kompani bëri ofertën më të shtrenjtë me vlerë 380 milionë lekë.
Pra, nëse kryebashkiaku do të ishte treguar i drejtë dhe do të pranonte ofertën më ekonomike, do t’i kishte kursyer qytetarëve të Shkodrës të paktën 90 milionë lekë. Kuptohet se cili është interesi i Becit që ia ka dhënë tenderin ofertës më të shtrenjtë. Prandaj tenderi është vlerësuar nga Open Data me “Flamur të kuq”, që është shenja e riskut të korrupsionit.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post