Gjykata e Tiranës, ka dënuar me 1 vit e 6 muaj burg Ervis Vladin, person i përfshirë në çështjen “Toyota Yaris” me 3.4 mln euro dhe është pikërisht pronari i tyre. Ai është dënuar për veprën penale “Mosdeklarim të ardhurash në kufi”, ku me gjykim të shkurtuar dënimi ulet në 1 vit burg. Për të njëjtën dosje është dënuar me 2 vite e 4 muaj burg edhe Agim Ceka me akuzën “armëmbajtje pa leje”.
Gjykata e pushoi çështjen kohë më parë për 4 nga 6 të akuzuarit, teksa u shpallën fajtorë vetëm Vladi e Ceka.
Çështja “Toyota Yaris” ka të bëjë me sekuestrimin e 3.4 mln eurove të fshehura në 2 makina, të cilat ishin duke u transportuar nga Italia. Automjetet e ardhura nga Bari drejt Durrësit, kishin pasur si itinerar Belgjikë-Gjermani-Itali dhe destinacion përfundimtar Shqipërinë. Në vendin e ngjarjes u arrestuan Edi Lika, Klevis Lika, djali i pronarit të kompanisë, dhe shoferin e kamionit, Agim Çeku.
Një ditë më pas u arrestua dhe Alban Mollaymeri, porositësi i automjeteve, pasi ishin dhe disa automjete të tjera të cilat po vinin në Shqipëri. Në lidhje me këtë ndarkesë të automjeteve ku do të ishin brenda dhe para të fshehura, policia ishte njoftuar disa ditë më parë. Pas kontrolleve të bëra, u gjet sasia e parave, për të cilat policia nisi hetimin për ngjarjen.
Policia shpalli në kërkim edhe dy vëllezërit Elvis dhe Alfred Vladi, për të cilët nuk janë dhënë më tej detaje.
