Shfrytëzuan 24-vjeçaren për prostitucion, burg për tutoret në Fier

Gjykata e Fierit ka caktuar masën e sigurisë “arrest në burg” për Pranvera Isufaj.

“Arrest në burg” ka vendosur dhe për shtetasen Aleksandra Toska.

Toska dhe Isufaj akuzohen nga prokuroria e Fierit për mbajtjen peng të një vajze nga Patosi dhe shfrytëzimin e saj për prostitucion.

Si bashkëpunëtore në këtë krim është dhe 17-vjeçaria A.D, për të cilën gjykata ka caktuar masën e sigurisë “arrest në shtëpi”.

Ndërsa gjykata ka vendosur shpalljen në kërkim të Arbër Mehmetit, pronarin e clab “Cassablanca” në Fier.

Mehmeti dhe tre vajzat e tjera, sipas hetimeve, mbanin peng shtetasen Sadije.M nga Patosi, të cilën për dy muaj e kanë shfrytëzuar për prostitucion nga disa banesa dhe në ambjentet e clabit “Cassablanca” në Fier.