Në Kosovë është ngritur alarmi për një rikthim të koronavirusit. Ndonëse në muajt e fundit dukej se virusi po shkonte drejt zhdukjes, kjo fundjave tregon rreziku është ende rreth e rrotull, pasi shifrat e të infektuarve janë rritur ndjeshëm.
Ministria e Shëndetësisë bën të ditur se nga 3,283 teste të kryera nga Instituti Kombëtar i Shëndetësisë Publike 1,219 persona kanë rezultuar pozitiv, me koronavirus. MSH njofton se në 24 orët e fundit nuk është shënuar asnjë rast i vdekjes.
Në 24 orët e fundit janë shëruar 257 persona, ndërkaq në total numri i rasteve aktive është 4,225. Ministria e Shëndetësisë më tej njofton se në 24 orët e fundit janë vaksinuar 267 persona, ndërsa në total numri i dozave të administruara është 1,832,226. Ndërkohë, numri i të infektuarve është rritur edhe në vendin tonë, çka gjithashtu ka dhënë sinjale për rrezikun e një vale tjetër pandemie.
Discussion about this post