Gjatë këtij viti në Kosovë janë larguar 191 mjekë nga institucionet publike shëndetësore. Kjo për shkak të kushteve jo të duhura të punës dhe pagës së ulët. Ata kanë zgjedhur të ikin jashtë vendit, si dhe disa në sektorin privat. Këto të dhëna u publikuan sot nga Oda e Mjekëve, te Komisioni Parlamentar për Shëndetësi.
Vetëm gjatë këtij viti nga SHSKUK-ja, kanë dhënë dorëheqje 191 mjekë, prej tyre 104 doktorë të mjekësisë së përgjithshme, 14 mjekë specialistë dhe 75 specializantë. Këto të dhëna janë publikuar sot nga raporti i Odës së Mjekëve i cili u paraqit para Komisionit Parlamentar për Shëndetësi. E nga vitit 2018 deri më sot në tërësi numri i mjekeve që kanë lënë punën në sistemin e shëndetësi është 674.
“Rilicensimi në kardiokirurgji dhe bazuar në informata që i kemi nga mediat, nuk ka qenë komision i cili i ka plotësuar kriteret e duhura, pse ka ndodhur kjo, cili ka qenë problemi dhe cila është zgjedhja”, ka thënë Fatmire Kollçaku, kryetare e Komisionit.
“Kam reaguar dhe e kam anuluar atë komision, sepse atje është një katrahurë dhe secili është kundër tjetrit. Atje është një kaos, një luftë në mes vete e papastër”, tha Pleurat Sejdiu, kryetar i Odës së Mjekëve të Kosovës.
Anëtarët e Komisionit u interesuan edhe për kontrollin ndaj mënyrës së ndarjes së specializimeve dhe për licencimin e mjekëve të huaj në Kosovë.
Aty u kërkua që të ndryshohet draftin për kujdestarinë, sepse sipas ligjit aktual, kujdestarët paguhen vetëm 25%, ndërsa në disa klinika, që do të thotë se e tejkalojnë shumën e pagesës së lejuar me ligj, raporton televizioni publik.
Discussion about this post