Numri i të vdekurve nga tërmeti i fuqishëm që goditi Turqinë jugore mund të arrijë deri në 10,000 njerëz.
Kështu pretendon Shërbimi Gjeologjik i Shteteve të Bashkuara (USGS). Sipas vlerësimeve të saj, USGS tha se ka një shans 47% që dëmi në njerëz të arrijë midis 1,000 dhe 10,000 njerëz, ndërsa ka një shans 27% që të arrijë midis 100 dhe 1,000 dhe një shans 20% që të arrijë midis 10,000 dhe 100,000 të vdekur.
Vlerësimet e USGS-së vijnë nga modelimi i bazuar në tërmetet historike në rajon, popullsia e ekspozuar ndaj lëkundjeve më të rënda dhe cenueshmëria e strukturave në zonat më të goditura.
“Viktima të mëdha dhe dëme të mëdha janë të mundshme dhe fatkeqësia ka të ngjarë të jetë e përhapur. “Popullsia në këtë rajon banon në struktura që janë jashtëzakonisht të cenueshme nga lëkundjet e tërmeteve, megjithëse ekzistojnë disa struktura rezistente,”- tha USGS në raport.
Raporti vlerëson gjithashtu se humbjet ekonomike do të jenë midis 1 miliard dollarë deri në 10 miliardë dollarë, të cilat mund të arrijnë deri në 2% të PBB-së së Turqisë.
Deri më tani, më shumë se 500 njerëz janë konfirmuar të vdekur dhe më shumë se 3,000 të tjerë të plagosur në Turqi dhe Siri, sipas zyrtarëve dhe mediave shtetërore.
Discussion about this post