444 raste të reja më koronavirus janë regjistruar ditën e sotme në vendin tonë. Në të dhënat e publikuara nga Ministria e Shëndetësisë rezulton se në 24 orët e fundit janë kryer mbi 2600 teste dhe numri më i lartë i të infektuarve rezulton Tiranë, Vlorë, ndjekur nga Elbasani dhe Durrësi. Sakaq, bëhet me dije se, me gjithë përpjekjet e mjekëve, në 24 orët e fundit nuk e kanë fituar betejën me covid-19, 4 qytetarë të moshës 60 vjeç -80 vjeç.
“Ju informojmë për situatën në 24 orët e fundit, si vijon: Janë kryer 2680 testime, nga të cilat kanë rezultuar pozitivë me Covid-19, 444 qytetarë, në këto qytete 213 në Tiranë, 25 në Elbasan, nga 19 qytetarë në Vlorë, Kamëz, Durrës, 17 në Fier, 16 në Lushnje, 15 në Krujë, 10 në Vorë, nga 8 qytetarë në Berat, Shkodër, nga 7 qytetarë në Lezhë, Gjirokastër, nga 6 qytetarë në Devoll, Tropojë, 5 në Mat, nga 4 qytetarë në Kurbin, Mallakastër, nga 3 qytetarë në Peqin, Kuçovë, Sarandë, Has, nga 2 qytetarë në Roskovec, Përmet, Memaliaj, Korçë, Dimal, Gramsh, nga 1 qytetar në Poliçan, Skrapar, Kolonjë, Dropull, Delvinë, Himarë, Patos, Dibër, Shijak, Mirditë, Kukës, Pukë”, thuhet në njoftim.
Sipas të dhënave në të gjithë vendin regjistrohen 7032 pacientë aktivë me Covid-19. Aktualisht në spitalet COVID po marrin trajtim 164 pacientë, nga të cilët 20 janë në gjendje më të rënduar. Bëhet me dije se, janë shëruar 315 qytetarë gjatë 24 orëve të fundit, duke e çuar numrin e të shëruarve në 171,790 që nga fillimi i epidemisë.
