Në 24 orët e fundit në Greqi janë konfirmuar 6,393 raste të reja me koronavirus. Autoritetet e Shëndetit në vend bënë po ashtu të ditur se si pasojë e sëmundjes humbën jetën 43 qytetarë kurse në gjendje të rëndë në intubim janë 459 pacientë.
Sipas raportimeve, nga rastet e konfirmuara ditën e sotme, 16 janë identifikuar në pikat hyrëse të vendit. Ndërsa, totali i të infektuarve shkon në 780,621 prej të cilëve, 50.7% janë meshkuj. Kurse sa i përket rasteve të konfirmuara në 7 ditët e fundit, 161 janë të lidhura me udhëtime jashtë vendit kurse 2,819 janë raste kontakti.
Prej ditësh Greqia është futur në një valë të 4-ët të Covid-19 me infektime rekord. Drejtori i ICU në spitalin Papanikalos, Nikos Kapravelos ka bërë një parashikim dramatik, duke thënë se në Krishtlindje situata epidemike në Greqi, pritet të dalë jashtë kontrollit dhe se sipas tij vendi mund të arrijë në një milion të vdekur.
Discussion about this post