Prej disa vitesh tashmë kur trokasin festat, një këngë e Krishtlindjeve ka qenë ajo që ka dominuar listat si në radio ashtu edhe në transmetim: “All I Want for Chritsmas Is You” e Mariah Carey.
I tillë ka qenë ndikimi i saj edhe në kulturën popullore që kur u publikua në 1994, saqë, deri më sot, është kënga sezonale më e luajtur në vitet e fundit, më shumë se klasikët si White Christmas apo edhe Jingle Bells.
Ky sukses është përkthyer edhe në të ardhura të shumta monetare sigurisht. Por këtë vit duket se gjërat kanë filluar të ndryshojnë. “Mbretëresha e Krishtlindjeve” ka filluar të humbasë terren.
Njerëzit po preferojnë të dëgjojnë melodi të tjera të Krishtlindjeve, pasi kënga e Carey-t nuk po ka ndikimin që kishte në të kaluarën e Krishtlindjeve.
Dhe numrat e vërtetojnë këtë. Në vitet e mëparshme, në këtë kohë , pista lëvizte rreth Top 5-ve, madje arriti në numrin 1, por sipas Spotify dhe iTunes, ‘All I Want For Christmas Is You’ sot qëndron në numrin 10 ose më poshtë.
Sa i përket të ardhurave këngëtarja grumbulloi plot 60 milionë dollarë nga viti 1994 deri në vitin 2016. Mirëpo, që nga viti 2019, ajo fiton midis 600,000 dhe 1 milion dollarë çdo dhjetor.
Kujtojmë se më herët, Mariah Carey u padit me minimumi 20 milionë dollarë për shkelje të të drejtave të autorit nga Andy Stone për këngën e saj të famshme “All I Want for Christmas”.
Kantautori pretendon se ai shkroi dhe regjistroi një këngë të quajtur “All I Want For Christmas Is You” përpara se Carey të publikonte këngën e saj me të njëjtin emër që do të hynte në histori.
Discussion about this post