Nga të dhënat e Censit të Popullsisë, rezultojnë në gjithë vendin janë rreth 170 mijë banesa bosh, sa 40% e numrit total të banesave në Shqipëri.
Të dhënat e përpiluara nga Revista Monitor nga njëra anë dëshmojnë rritjen e sektorit të ndërtimit, e nga ana tjeter përmasat alarmante të shpopullimit.
170 mijë banesa në të tgjithë vendin janë bosh. Revista Moniyor publikoi një tjetër të dhënë të Censit, që dëshmon përmasat alarmante të shpopullimit. Shifra është sa 40% e të gjithë banesave në Shqipëri, që numërohen të jenë në total rreth 431 mijë. Monitor analizon se këto të dhëna dëshmojnë edhe rritjen e sektorit të ndërtimit në raport me tkurrjen e popullsisë.
Banesat bosh janë një pasuri prej miliarda eurosh që është ngrirë në formën e një investimi që nuk gjeneron të ardhura dhe punësim.
Burimet nga tregu pohojnë se një pjesë e madhe e banesave bosh janë në qytetet e mëdha të vendit dhe sidomos në Tiranë dhe Durrës. Sipas tyre, stoku i banesave bosh është krijuar nga emigrimi i familjeve, të cilët nuk kanë planifikuar qiradhënien.
Shpesh banesat e blera për investime dhe të padhëna me qira janë pjesë një zinxhiri të përdorur për pastrimin e parave të bëra në mënyrë të paligjshme.Teksa sektori i ndërtimit ka mbiofertë për banesa, Këshilli i Rregullimit të Territorit lëshoi leje për ndërtimin e kullave deri në 100 kate muajin e fundit.
Në kontrast, ndërsa oferta për banesa shtohet popullsia e vendit po tkurret me shpejtësi nga emigracioni i lartë dhe nga rënia e lindjeve. Sipas të dhënave të Cens 2011, popullsia e vendit u tkurr me 14.8 për qind ose mbi 400 mijë persona.Për më tepër, struktura e popullsisë është në plakje të shpejtë. Ndërmjet 2011 dhe 2023, mosha mesatare e popullsisë së vendit u rrit me 7.5 vite.
Korrupsioni, shëndetësia, arsimi dhe niveli i kriminalitetit renditen janë disa nga arsyet që kanë detyruar shqiptarët të emigrojë për standare më të mira jetese, duke shpopulluar gjithnjë e më shumë Shqipërinë.
Discussion about this post