Skandalet e Aktiv1st-it nuk kanë të ndalur. Që nga fillimi i këtij viti administratorët e kësaj platformë spiunojnë punonjësit e Administratës tek shefat e tyre. Dy ditë më parë Gijotina.com publikoi disa informacione ku tregohej se Partia Socialiste po shtrin në institucione këtë aplikacion. Ku me urdhër nga “shefi” të gjithë duhet të shkarkojnë këtë aplikacion dhe duke u regjistruar t’u bëjnë “share” ose “like” postimeve të paracaktuara. Duke theksuar se për çdo “pëlqim” punonjësit marrin 5 pikë. Kush ka më pak pikë rrezikon karrigen.
Pikërisht për këtë situatë Gijotina disponon një tjetër informacion, ku shihet se administratorët e Aktiv1st kontrollojnë pikët e punonjësve.
Dhe në rastin konkret, sikur shihet të foto më poshtë, një punonjës nuk paska zbatuar si duhet urdhrat pasi nuk iu ka bërë like sa duhet ministrave tanë. Kështu koordinatorja e kësaj platforme i ka dërguar atij një mesazh ku e paralajmëron që është shumë keq me liket dhe komentet, çka do të thotë se ka shumë pikë. Madje e “urdhëron” që ta shohë më me përparësi këtë detyrë. Sepse ndryshe dihet: mbetën të papunë.
E pra presioni po shtohet dhe më shumë tashmë në prag zgjedhjesh. Sepse kjo është një mënyrë që ka zgjedhur qeveria për të pasur nën kontroll Administratën dhe për t’i bërë sa më shumë reklamë propagandë së kryebashkiakëve në vend. Pasi në këtë aplikacion, të gjithë punonjësve të administratës iu vjen me njoftim çdo aktivitet i kryer nga ministrat dhe kryeministri, ndërsa i duhet dhënë like patjetër.
Aktiv1st me sa duket po bënë më së miri punën e caktuar nga kryeministri Rama.
Sepse po mbikëqyrë me kujdes çdo punonjës, që këtyre të fundit mos iu shpëtojë asnjë postim pa bërë like. Kujtojmë se një javë më parë në Gijotina.com publikuam raportin e punës për muajin janar të Aktiv1st. Ku tregohej se kishte përllogaritur sa komente dhe pëlqime kishte marrë secili ministër.
Epo këto të dhëna na lënë të kuptojmë se Aktiv1st qenka një platformë që monitoron dhe vë në presion punonjësit e Administratës. Taktika që nuk tregojnë aspak demokraci dhe meritokraci.
Lexo edhe:“Aktiv1sti”, kujt i hynë në punë like-t e Ministrave?! Punonjësve ju kërkohet normë pikësh
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post