Oljan Kanushi, drejtori i Shërbimit Informativ të Shtetit, pas largimit të Helidon Bendos, është zyrtari i dytë që ka rënë në ‘grepin’ e hakerave këtë pasdite.
Pas Drejtorit të Përgjithshëm të Policisë së Shtetit, hakerat kanë publikuar të dhënat e pasaportave të Kanushit.
Ata janë ndalur dhe në gjendjen e tij civile, duke nxjerrë emrat e të dhënat e familjarëve gjithashtu.
Dosja e Kanushit përbëhet nga 13 faqe (1 MB) dhe ka në përmbajtje edhe hyrje-daljet e tij nga Shqipëria.
Ajo që vihet re është se Kanushi, aktualisht në krye të SHISH, e ka kaluar katër herë kufirin si këmbësor.
Hera e fundit është regjistruar në vitin 2012 nga pika kufitare Kapshticë.
Discussion about this post