Policia arrestoi babë e bir në Shkodër, të cilët dyshohet se kishin përshtatur një ambient brenda lokalit të tyre për konsumim të lëndëve narkotike.
Në një njoftim zyrtar, Policia bëri të ditur se ka ushtruar kontroll në lokalin në pronësi të shtetasve N. K., dhe P. K., (babë e bir), në lagjen “Skënderbeg”, ku gjet edhe drogë.
{Kishin përshtatur lokalin që kishin në pronësi, në lagjen “Skënderbeg”, për shitjen e dozave të kokainës dhe cannabis sativës, arrestohen 2 shtetas (babë e bir).
Procedohet në gjendje të lirë një 22-vjeçar që u kap në këtë lokal, me doza kokaine me vete.
Shërbimet e Policisë kanë ushtruar kontroll në lokalin në pronësi të shtetasve N. K. dhe P. K. (babë e bir), në lagjen “Skënderbeg”. Nga kontrolli, është konstatuar se ky ambient ishte përshtatur për përdorimin dhe për shitjen në doza, të lëndëve narkotike kokainë dhe cannabis sativa. Në vijim të veprimeve procedurale, të dy këta shtetas u arrestuan në flagrancë, si dhe u sekuestruan doza të lëndëve narkotike kokainë dhe cannabis sativa. Gjithashtu, për këtë rast u referuan materialet në Prokurori ku nisi procedimi në gjendje të lirë për shtetasin E. D., 22 vjeç, pasi u kap në këtë lokal, me disa doza të lëndës narkotike kokainë, me vete{, njoftoi Policia.
Discussion about this post