Luftar Brahilika, Renardo Brahilika dhe Maringlen Lala janë arrestuar duke shpërndarë kokainë në zonën e Kamzës.
Brahilika bashkë me nipin e Renardo Brahilika siguronin lëndën narkotike kokainë të pastër në sasi të mëdha, në bashkëpunim dhe me Mariglen Lala e përpunonin duke e përzier dhe e ndanin atë në doza, të cilat më pas i shisnin në zonën e Kamzës kundrejt vlerës 50 euro një dozë kokainë.
Gjatë kontrollit fizik të ushtruar ndaj renardo Brahilika, shërbimet e Policisë kanë gjetur dhe sekuestruar në cilësinë e provës materiale, dy pako me sasi lënde të dyshuar narkotike të llojit kokainë (me peshë 213 gramë).
Gjithashtu, në cilësinë e provës materiale u sekuestruan 3 aparate celulare dhe 1 automjet. Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
Discussion about this post