Policia e Elbasanit ka arrestuar një 56-vjeçar nga qyteti i Fierit, pasi dyshohej se shiste gaz në mënyrë kontrabandë pa prerë faturën tatimore. Personi me inicialet N. V kishte një ambient në Elbasan ku me autobot shitej gazi i lëngshëm.
Është arrestuar gjithashtu një 61-vjeçar nga fshati Gostimë, Cërrik pasi ndoste ajrin duke hedhur plehra në shtratin e lumit Devoll.
Në prangat e Policisë kanë rënë gjithashtu edhe dy persona pasi i jepnin makinës në gjendje të dehur M.M u arrestua në aksin Elbasan-Cërrik i dehur, kurse I. M., 44 vjeç, u arrestuar për të njëjtën arsye në Hotolisht, Librazhd.
Materialet i kaluan Prokurorisë së Elbasanit për veprime të mëtejshme.
Discussion about this post