Një 66-vjeçare nga Shqipëria u arrestua, në kuadër të hetimeve, pasditen e djeshme në Athinë, nga punonjës policie të Prokurorisë së Narkotikëve pranë Sigurimit të Atikës, me akuzën e trafikut të lëndëve narkotike dhe falsifikimit.
Sipas Policisë Greke ELAS, pas hetimeve për veprimet e të akuzuarës në lidhje me trafikun e kanabisit në zonën e Kato Patisisë dhe veçanërisht jashtë shkollave, është identifikuar dhe vërtetuar aktiviteti i saj kriminal.
Konkretisht, pas një hetimi të kryer, me asistencën e një qeni policie, u konstatua se 66-vjeçarja kishte në shtëpinë e saj 57 pako najloni me kanabis të papërpunuar, me peshë totale 1.088 gramë.
Njëkohësisht janë gjetur dhe konfiskuar katër peshore elektronike, 227 pako najloni të përshtatshme për standardizimin e lëndëve narkotike në shitje, shuma prej 3.830 euro dhe një kartëmonedhë e falsifikuar 50 euro.
Gruaja e arrestuar është dërguar në Prokurorinë Penale të Athinës.
Discussion about this post