Shiste kanabis në afërsi të shkollave, arrestohet 24-vjeçari në Krujë

Një 24-vjeçar, i cili u kap duke shpërndarë kanabis në afërsi të shkollave është arrestuar nga policia e Krujës.

Në kuadër të operacionit në vazhdim, të koduar “Tempulli” u bë arrestimi i shtetasit i J. D., 24 vjeç, banues në Krujë.

Gjatë kontrollit, shërbimet e Policisë i kanë gjetur 24-vjeçarit, një sasi lënde të dyshuar narkotike kanabis, të ndarë në doza, gati për shitje. Lënda narkotike u sekuestrua në cilësinë e provës materiale.

Nga verifikimet e kryera ka rezultuar se ky shtetas, pasi siguronte lëndë narkotike kanabis, e ndante në doza, të cilat i shiste më pas në afërsi të shkollave, në zonën e Fushë Krujës.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.