Një 20 vjeçar, i dyshuar se shpërndante lëndë narkotike pranë një gjimnazi është arrestuar nga Policia e Shkodrës.
Ai u kap duke shitur doza kjanabisi, ndërsa përdorte një lokal, që ndodhet brenda perimetrit të sigurisë të një gjimnazi.
Gjithashtu, janë proceduar në gjendje të lirë një 16-vjeçar dhe dy persona të tjerë, që dyshohen si të implikuar në këtë veprimtari.
Në cilësinë e provës materiale, u sekuestrua një sasi lënde kanabis, e ndarë në doza të gatshme për shitje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Discussion about this post