Blutë e Vlorës kanë arrestuar në flagrancë një 37-vjeçar me profesion infermier, i cili ishtë në survejim prej kohësh nga ana e uniformave blu. Fluger Lalaj u ndalua nga ana e policisë, teksa në kontrollet e bëra, atij iu sekuestruan brenda në automjet kokainë, dorezë metalike, dy thika dhe një shkop metalik.
Mbi 37-vjeçarin rëndojnë akuzat “Prodhimi dhe shitja e narkotikëve” dhe “Prodhimi dhe mbajtja pa leje e armëve të ftohta”.
Njoftimi i DVP Vlorë
Nga specialistët për Hetimin e Krimeve në Komisariatin e Policisë Sarandë u bë arrestimi në flagrancë i shtetasit F. L., 37 vjeç, banues në Sarandë, për veprat penale “Prodhimi dhe shitja e narkotikëve” dhe “Prodhimi dhe mbajtja pa leje e armëve të ftohta”, pasi gjatë kontrollit të ushtruar në automjetin e këtij shtetasi, u gjetën dhe u sekuestruan një sasi lënde narkotike e dyshuar kokainë, një përforcues grushti (dorezë metalike), dy mjete prerëse (thika) dhe një shkop metalik.
