Pas arrestimit të dy pensionistëve italianë, të cilët fituan 200 mijë euro, pasi përmes mashtrimit shisnin grimca ari, sot policia e Elbasanit ka vënë në pranga edhe pronarin e argjendarisë, një 53-vjeçar, i cili akuzohet për veprën penale “veprime që pengojnë zbulimin e së vërtetës.
Kujtojmë se, Riccardi Gennario, më i vjetri dhe banues në Milano dhe Fortunato Maddaloni, banues në Napoli udhëtuan nga Italia për në Shqipëri duke vënë në jetë idenë e një biznesi tejet fitimprurës që u solli brenda tre muajve shumën prej 200 mijë eurosh fitime. Biznesi i tyre i nisur në muajin qershor ishte shtrirë jo vetëm në Shqipëri, por edhe në Mal të Zi, më konkretisht në kryeqytetin malazez, Podgoricë.
Ndërsa vazhdonin biznesin fitimprurës, dy pensionistët italianë nuk e menduan se do të përfundonin në pranga në qytetin e Elbasanit.
Ata u prangosën në një pikë argjendarie. Sipas të dhënave të Policisë, dy italianët shisnin grimca materiali të ngjashme me ato të arit. Materiali ka rezultuar i përzier me metale të tjera dhe për këtë arsye mori emrin edhe operacioni, i koduar “Fake Gold”.
Discussion about this post