Shiten të gjitha biletat për ndeshjen Shqipëri – Moldavi

Kombëtaren e Shqipërisë e pret një ndeshje e rëndësishme ditën e sotme, e vlefshme për kualifikueset e EURO 2024.

Kuqezinjtë do të luajnë ndaj Moldavisë në ‘Air Albania’ duke filluar nga ora 20:45.

Për këtë ndeshje pritet të jetë një atmosferë e zjarrtë në stadiumin “Air Albania”, pasi është raportuar se janë shitur të gjitha biletat që ishin në treg.

Shqipëria është favorite në këtë ndeshje dhe pritet një fitore e kuqezinjve.

Ekipi ynë kombëtar ka luajtur vetëm një ndeshje në grup për kualifikueset e Europianit, duke humbur 1:0 përballë Polonisë në fushë kundërshtare.