Autoritetet indoneziane kanë arrestuar 12 të dyshuar, duke përfshirë një oficer policie dhe një punonjës të emigracionit, të akuzuar për transportimin e 122 personave në Kamboxhia për të shitur veshkat e tyre.
Të arrestuarit akuzohen për shkelje të ligjit për trafikimin e qenieve njerëzore. Nëse shpallen fajtorë, ata përballen me 15 vjet burg dhe një gjobë prej 600 milionë rupi (rreth 40,000 euro).
Ata akuzohen se rekrutuan njerëz nga e gjithë Indonezia përmes faqeve të rrjeteve sociale dhe më pas i dërguan në Kamboxhia për të shitur veshkat e tyre për transplantim, shpjegoi Henggi Hariadi, drejtori i njësisë së hetimit penal të Policisë së Xhakartës.
Autorët premtuan se do t’i jepnin viktimave nga 9000 euro.
Viktimat ranë dakord të shisnin organet e tyre sepse kishin nevojë për para. Shumica e këtyre njerëzve humbën punën e tyre gjatë pandemisë, u tha Henggi gazetarëve.
Trafikimi i qenieve njerëzore, kryesisht për punë dhe shpesh për të shlyer një borxh, nuk është i panjohur në Indonezi. Në vitin 2019, autoritetet arrestuan tetë persona në rastin më të madh të këtij lloji që është zbuluar deri më sot: rreth 1200 viktima ishin dërguar jashtë vendit për të punuar si shtëpiake.
Discussion about this post