Prokuroria e Durrësit ka përfumnduar hetimet paraprake dhe ka dërguar për gjykim biznesmenin me inicialet A.T. dhe kompaninë që administrohet prej tij, “A C” sh.p.k.
Hetimi për këtë rast ka nisur në vitin 2022, ku atëherë, biznesmenit iu caktua masa e sigurisë “Arrest me burg” në mungesë, pasi nuk u arrit të arrestohej nga Policia. Ai është kapur më 14 Janar të këtij viti në Holandë, pas shpalljes në kërkim ndërkombëtar me 8 Prill 2024.
“Nga hetimet e zhvilluara nga Prokuroria pranë Gjykatës së Shkallës së Parë të Juridiksionit të përgjithshëm Durrës, rezultoi se shtetasi A.T., administrator i shoqërisë ‘A C’ sh.p.k dhe personi juridik ‘A C’ sh.p.k., pas pajisjes me leje ndërtimi (të pazbardhur për shkak të mospagimit të detyrimeve ndaj Bashkisë Durrës) për ndërtimin e një objekti multifunksional, kanë lidhur kontrata sipërmarrje me persona të ndryshëm kundrejt pagesave përkatëse.
Në përfundim të hetimeve rezultoi se i pandehuri A.T nëpërmjet mashtrimit pasi ka mbajtur kontrata për shitje apartamente/njësi tregtare/garazhe, me të dëmtuarit për objekte të cilat nuk janë dorëzuar as aktualisht edhe pse janë likujduar sipas kontratëve, ju ka sjellë atyre një dëm ekonomik në vlerën 2.099.522 euro.” – thuhet në njoftimin e Prokurorisë së Durrësit.
Discussion about this post