Ministrja për Evropën dhe Punët e Jashtme, Olta Xhaçka, është paraqitur pasditen e së hënës në SPAK. Ministrja u paraqit sot në Prokurorinë e Posaçme për të dhënë dëshmi në cilësinë e personit që ka dijeni rreth hetimeve për privatizimet e pronave të ushtrisë.
Xhaçka tha se nuk ka asnjë shkelje ligji nga ana e saj dhe do t’i kallëzojë ata që shpifin. Në fakt, dokumentet dhe faktet tregojnë që nuk ka asnjë shpifje. Por, ministrja ka qenë pjesë e mashtrimeve për t’i shitur bazën ushtarake në Sarandë biznesmenit Shefqet Kastrati.
Në nëntor të vitit 2022, Gijotina.com ka publikuar provat dhe skemën se si Olta Xhaçka dhe ministrja Belinda Balluku kanë shkelur ligjin. Të duyja kanë zhdukur bazën e forcave detare. Kujtojmë se, në vendimin numër 514 të Këshillit të Ministrave, është përcaktuar vlera e kontratës së qirasë me tarifë 1 euro /kontrata ndërmjet Ministrisë së Financave dhe Ekonomisë, si qiradhënës, dhe bashkimit të shoqërive “Concord Investment” sh.p.k. dhe “Kastrati Group” sh.a.. Përfaqësuar nga shoqëria “Marina Bay Saranda” shpk, si qiramarrës, për pasurinë shtetërore me sipërfaqe të përgjithshme rreth 265 mijë metër katror.
Brenda këtij territori ndodhet dhe një pronë me sipërfaqe rreth 39 mijë metra katror me numër 696, që bën pjesë në planin e vendosjes dhe të përhapjes së Forcës Detare, për dhënien me qira të së cilës, duhet marrë më parë miratimi i Presidentit të Republikës.
Ndërhyrja e Olta Xhaçkës
Në projekt-kontratën e firmosur nga vetë kryeministri Edi Rama, përveç ushtrimit të veprimtarisë në fushën e turizmit për 35 vjet, parashikohet dhe ndërtimi nga shoqëria qiramarrëse, i një bankine për forcat detare në gjirin e Limionit në Sarandë. Sipas dëshmitarëve, Ministrja Olta Xhaçka i thirri ushtarakët drejtues të Forcës Detare dhe i bindi duke u premtuar se “koncesionari” do t’u ndërtonte një bankinë të re për anijet e Forcës Detare.
Ndërkohë del nga skena Olta Xhaçka dhe fute në lojë Belinda Balluku, ministre e Infrastrukturës dhe Energjisë. Në kontratën e publikuar më vonë në QKB, të koncesionarit me ministren nuk përfshihet konkretisht detyrimi për ndërtimin e një bankine të re për bazën e Forcës Detare Limioni. Kështu, në sipërfaqen e portit te jahteve merret edhe territori prej 39 mije m2 i Bazës se Forcës Detare Sarandë pa shpërblim.
SPAK sekuestron bazën detare në Sarandë
Për këto mashtrime dhe manipulime më datë 11 Mars, Gjykata e Posaçme Kundër Korrupsionit dhe Krimit të Organizuar, ka pranuar kërkesën e Prokurorisë së Posaçme për vënien nën sekuestro preventive të “Bazës Ndihmëse, Limion, Sarandë”. Një bazë e Forcave Detare, pronë e ushtrisë shqiptare e cila në korrik të viti 2020, me vendim të qeverisë, i është dhënë me qira. Si pjesë e një territori shumë më të madh, prej mbi 265 mijë metrash katrorë, bashkimit të shoqërive “Concord Investment” sh.p.k. dhe “Kastrati Group” sh.a.. Shoqëria, sipas publikimeve në faqen e Concord Investment, parashikon ndërtimin e një kompleksi hotelesh, rezidencash. Si dhe një port jahtesh që do të ofrojë mundeshe për ankorim, për 400 anije.
Hetimi për këtë çështje ka nisur pas një kallëzimi të ish Zv.Komandantit të Forcës Detare Artur Meçollari, sipas të cilit, dhënia me qira është bërë në shkelje. Pasi kjo bazë është pjesë e Planit të Vendosjes dhe të Përhapjes së ushtrisë, e për këtë arsye do duhej marrë dhe miratimi i Presidentit të Republikës, në cilësinë e Komandantit të Përgjithshme të Forcave të armatosura. Dhe ditën e sotme SPAK ka thirrur për të dhënë llogari ministren Olta XHaçka, tani radhën e Belinda Balluku.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post