400 të huaj kanë blerë apartamente në Shëngjin nga 1200 qe janë shitur ne total gjate 1 viti e gjysmë. Kryesojnë çekët e polakët thanë ndërtuesit dhe agjentët imobiliar, pa llogaritur shqiptarët e Kosovës që prej vitesh investojnë në këtë zonë bregdetare.
Krahas shqiptareve të Kosovës, interesi për apartamente në Lezhe është rritur dhe nga të huajt. Sipas të dhënave zyrtare nga 1 mijë e 200 apartamente që janë shitur në më pak se 1 vit e gjysmë, afro 400 janë blerë nga të huajt. Interesi më i lartë është për zonen turistike të Shëngjinit, ndërsa ata që po preferojnë të investojnë më shumë në pasuri të paluajtshme janë çekët dhe polakët, tha Gentjan Marku, agjent imobilar.
Kreu i dhomes së Tregtisë dhe Industrise në Lezhë, Pashk Palokaj, thotë se megjithese jane rritur kostot e ndërtimit që është reflektuar edhe tek çmimi i shitjes kërkesat për apartamente në Shëngjin janë gjithnjë në rritje, pasi kjo zonë bregdetare jep mundësi për ta, por paralelisht duhet të investohet dhe në infrastrukturore.
Numri i rezidenteve në Shëngjin është rritur ndjeshëm vitet e fundit dhe paralelisht edhe kerkësat për leje ndërtimi nga subjektet private, ndërsa çmimi i apartamenteve varion nga 1000 deri në 1800 euro për meter katror në varesi të zonave.
Discussion about this post