Shiu i dendur/ Bllokohen rrugët në Theth, makinat vështirësi në qarkullim

Rrugët në zonën turistike të Thethit janë bllokuar, për shkak të reshjeve të dendura të shiut, të cilat kanë nisur që prej mëngjesit të sotëm.

Uji i rrëmbyeshëm ka përmbysur një pjesë të akseve rrugore,  duke e bërë qarkullimin të pamundur, ndërsa disa automjete kanë mbetur në rrugë.

Gjithashtu, për shkak të motit të keq janë izoluar dhe një pjesë e banorëve të zonës.

Rruga që të çon në fshatin Ndërlysa është totalisht e pakalueshme nga automjetet, pasi është shembur edhe një urë kaluese.