FSHF ka njoftuar se gjashtë ndeshje të Kategorisë së Dytë janë shtyrë, për shkak të rëndimit të terreneve nga reshjet e shiut që kanë përfshirë vendin ditët e fundit.
NJOFTIMI
Kushtet atmosferike kanë detyruar Departamentin e Garave në Federatën Shqiptare të Futbollit të shtyjë disa nga ndeshjet e javës së 19-të të Kategorisë së Dytë, të parashikuara për t’u luajtur këtë fundjavë.
Pas konsultimeve me klubet dhe duke parë gjendjen e terreneve të rënduara nga reshjet e shirave, Departamenti i Garave ka vendosur që sfidat e Grupit B të Kategorisë së Dytë të mos luhen këtë javë dhe të shtyhen për javën e ardhshme.
Gjashtë ndeshjet e Grupit B ishin parashikuar për t’u luajtur këtë të diel, ndërkohë që nuk ka asnjë ndryshim programi për ndeshjet e Grupit A të Kategorisë së Dytë, që do të luhen këtë javë sipas kalendarit të përcaktuar tashmë. Më poshtë, edhe sfidat që janë shtyrë për javën e ardhshme:
Kategoria e Dytë / Grupi B
Përmeti – Memaliaj
Tepelena – Labëria
Devolli – Naftëtari
AF Luftëtari – Albpetrol
Këlcyra – Sopoti
Gramozi – Flamurtari
Discussion about this post