12 persona, mes tyre efektivë policie janë përfshinë në një sherr pas mesnates në fshatin Gjashtë të Sarandës. Dyshohet se sherri ka nisur për shkak të një borxhi, por ka degraduar deri në përplasje me armë zjarri dhe sende të forta. Mësohet se Policia ka gjetur në vendngjarje gëzhoja pistolete dhe dy automjete të dëmtuara. Efektivët e Policisë kanë hasur kundërshtim me dhunë dhe mosbindje nga të dyshuarit, të cilët janë arratisur. Deri më tani vetëm 3 prej tyre janë paraqitur në Komisariat. Si pasojë e konfliktit janë plagosur Enea Nexhipi dhe Albi Nexhipi të cilët kanë marrë ndihmë mjekësore në spital.
Mes autorëve të dyshuar janë Alvaro Sulejmani, efektiv në Komisariatin e Policisë Himarë, Kidi Sulejmani dhe Ergis Sulejmani, po ashtu edhe ata janë efektivë të Policisë Kufitare Sarandë, Redi Sulejmani, student në Akademinë e Policisë Tiranë dhe Igli Duka, ish-efektiv i Policisë Sarandë. Duka, rezulton se është arrestuar më parë në Skoci, pasi u kap gjatë një operacioni të kultivimit të marijuanës.
Gjithashtu, autoritetet kanë identifikuar pjesëtarë të tjerë të fisit Sulejmani dhe Duka, mes tyre edhe një person me mbiemër Cocka. Dy nga të dyshuarit, Alvaro Sulejmani dhe Beqir Cocka janë vetëdorëzuar në Komisariatin e Policisë Sarandë. Po ashtu edhe Mihal Sulejmani është paraqitur në polici.
Discussion about this post