Efi dhe Bruno, dyshja që është përfolur mjaft në “Për’puthen” për afrimitetin mes tyre, sot janë përfshirë në një debat mjaft të ashpër. Teksa po transmetohej takimi mes Efit dhe Albit, Bruno u kap pas një deklarate të konkurrentit, ku i thoshte Efit se “i duhet një djalë all inclusive’”. Brunos nuk i pëlqeu aspak deklarata dhe i nxitur edhe nga xhelozia flet me tone të larta. Në një moment, kur i Efi i thotë se nuk ka pse ta marrë personale dhe i drejton gishtin, Bruno acarohet akoma më shumë.
Atij i duket gjest i ulët, ndërsa Efi thotë se nuk ishte fare në këtë kontekst. Ajo shprehet se disa veprime të Brunos, ku i flet me arrogancë dhe autoritet e bëjnë të stepet në njohjen e tyre. Dy konkurrentët kanë pasur disa takime në emision, ku kanë shfaqur kiminë dhe afrimitetin mes tyre. Bruno guxoi në një natë të “Për’puthen Prime”, kur e mbushi studion me dekore për ta bërë situatën sa më romantike për të dhe më pas u shpreh se është i fokusuar vetëm te Efi në program.
Discussion about this post