Qeveria e Maqedonisë së Veriut ka lajmëruar se do të bëjnë ekspertizën e zjarrit në spitalin Covid në Tetovë. Në njoftimin e Qeverisë së RMV-së, thuhet se ata pranuan ofertën e aleatëve të NATO-s për të dërguar ekspertë të nivelit të lartë për të përcaktuar shkaqet e zjarrit në Tetovë.
“Në këtë drejtim, Qeveria miratoi një përfundim me një rekomandim që ekipet e ekspertëve të Ministrisë së Brendshme dhe Ministrisë së Shëndetësisë të vihen në dispozicion maksimal të prokurorisë në procedurat hetimore. Qeveria udhëzoi institucionet kompetente që të përcaktojnë se çfarë lloj ndihme dhe mbështetje shtesë nevojitet për familjet e të vdekurve dhe të plagosurve, në mënyrë që ajo të ofrohet në kohën më të shkurtër të mundshme”, thonë nga Qeveria.
Ndërkohë numri i viktimave zyrtarisht mbetet 14, kurse organet hetimore menjëherë janë vendosur në lëvizje për të zbardhur ngjarjen.
