Vendimi i Bardh Spahia për të shkarkuar dy administratorë të emëruar nga kryetarja e mëparshme ka sjellë reagime nga figura politike të Partisë Demokratike në Shkodër ku ndër të parët ka qënë kryetari i PD-së Shkodër Xhevdet Amuli. Ai ka thënë se Bardh Spahia në vend të mendojë se si të zgjidh nevojat e qytetarëve ka filluar spastrimet në 2 njësi duke i cilësuar si largime politike dhe hakmarrje e pastër që sjell në kujtesë luftën e klasave.
Amuli tha se Spahia duhet të ndalojë largimet politike dhe hakmarrjen.
“Shkodra nuk ia ka borxh. Bashkia Shkodër është nën sundimin e atyre që duan ta përdorin për qëllime politike. Janë bërë bashkë non gratat. Spahia të ndalojë presionin politik. Për hallet e një personi (Berishës) nuk mund të digjet një subjekt politik”- tha Amuli ku ndër të tjera theksoi se ata janë e djathta e vërtetë dhe mos ta shohin njëri tjetrin si armiq pasi lufta e PD-së është ndaj Edi Ramës.
Deklaratës së tij i është bashkuar Arben Gjuraj, ish n/kryetar i Bashkisë Shkodër i cili ka thënë se janë larguar edhe punonjës të tjerë të bashkisë Shkodër. Gjuraj tha se janë largime të pastra politike dhe prishin atmosferën e bashkëpunimit në PD të cilat janë në drejtimin e gabuar.
Gjovalin Darragjati, ish administrator i njësisë Dajç ka thënë se ajo që po ndodh në lidhje me shkarkimet nuk është frymë për bashkim. Sipas Darragjatit, kjo çarje po thellohet dhe PD ta harrojë se mund të vijë në pushtet me këto mënyra.
Discussion about this post