Ndërkohë që ka nga ata të cilët nuk e pranojnë vendim e gjykatës pro Kuvendit të 11 dhjetorit, Deputeti demokrat, Belind Këlliçi, deklaroi se i vetmi organ legjitim në PD është grupi parlamentar. Ai tha se jo vetëm me vendim gjykate por mjafton të shohësh Kuvendin e 11 Dhjetorit për të parë se kush është shumica. Këlliçi tha se Kuvendi i 11 Dhjetorit i shkarkoi edhe kryetarin, edhe 4 nënkryetarët edhe Sekretarin e Përgjithshëm të PD, prandaj sot këto funksione janë ilegjitime, dhe i vetmi organ legjitim në PD është grupi parlamentar, pasi deputetët janë zgjedhur me votë popullore.
“Organi i vetëm legjitim dhe përfaqësues sot në PD është grup[i parlamentar sepse janë të gjithë të zgjedhur me votë nga shqiptarët. Jo vetëm vendimi i Gjykatës por mjaftonte Kuvendi i 11 Dhjetorit për të kuptuar kush është mazhoranca. Kuvendi i 11 dhjetorit ka marrë një vendim për të shkarkuar 4 nënkryetarë, Sekretarin e Përgjithshëm”, tha Këlliçi. Kujtojmë se ditën e djeshme gjykata miratoi kërkesën e Kuvendit të 11 dhjetorit të thirrur nga Berisha, ku u shkarkua Basha dhe disa mbështetës të tij.
Discussion about this post