Lajmeve që kanë qarkulluar në media lidhur me shkarkimin e drejtorit të Përgjithshëm të Policisë Ardi Veliu, i është përgjigjur zyrtarisht kryeministria.
Drejtori i komunikimit të kryeministrit Edi Rama, Endri Fuga i kontaktuar nga ABC, ka deklaruar se Ardi Veliu nuk është shkarkuar nga detyra.
Prej disa minutash në media po përflitej për shkarkimin e Ardi Veliut, pas përfshirjes vazhdimisht në skandale dhe cilësisë së ulët të shërbimeve nga Policia e Shtetit.
Në Komisionin për Sigurinë Kombëtare, deputeti demokrat Luan Baçi pyeti ministrin e Brendshëm, Bledi Çuçi në lidhje vërtetësinë e lajmit të shkarkimit. Ministri nuk e ka mohuar lajmin, por nisi të ironizonte duke thënë se “do e merrni vesh në momentin e duhur kur t’i mbarojë kandili”.
Kujtojmë se kryeministri Edi Rama rreth tre muaj më parë pas ngjarjeve të shumta kriminale në vend, vuri një afat prej 100 ditësh për strukturat e policisë duke thënë se brenda këtij afati ata duhet të vendosnin rendin dhe angazhimin maksimal.
