Një ditë pas shkarkimit nga detyra të Kryeprokurores së Tiranës Elisabeta Imeraj, Kolegji i Posaçëm i Apelimit do të caktojë sot një drejtues të përkohshëm për të zëvendësuar postin e saj.
Mësohet se mbledhja do të zhvillohet ditën e sotme në orë 12:00, ku pritet të caktohet përkohësisht një Drejtues i Prokurorisë së Tiranës, më pas do të hapet gara për Drejtuesin e ri.
Ditën e djeshme, KLP vendosi shkarkimin e ish kryeprokurores Elisabeta Imeraj, gjyqtaren e dosjeve të bujshme. Drejtuesja e trupës gjykuese, Ina Rama tha se Imeraj nuk justifikon pasurinë e krijuar ndër vite. Vetë Imeraj e kundërshtoi vendimin e KLP, ndërsa shtoi se ka kërkuar vazhdimisht të di se kush e ka kërkuar shkarkimin e saj. Sipas ish prokurores, ajo nuk ka përfituar pasuri në kurriz të detyrës dhe hodhi akuza se procesi ka qenë i ndikuar që në fillim.
Discussion about this post