Në seancën gjyqësore që po mbahet për shkarkimin e Ilir Metës në Kushtetuese, avokati i tij Bledar Dervishaj ka hedhur akuza të forta ndaj Edi Ramës. Sipas tij, Rama ka kërcënuar KED-në, duke theksuar këtu se pas kërcënimit ka pasur dorëheqje nga disa anëtarë të këtij institucioni
“Presidenti ka shprehur hapur se Kryeministri Edi Rama ka kërcënuar KED. Pas këtyre kërcënimeve pati edhe dorhëqje. Presidenti i ka kthyer kuvendit nje sërë ligjesh preferenciale. Kostituimi i këshillit politik është prova e pa kundërshtueshme që kuvendi nuk gëzonte legjitimitet”, tha ai.
Sipas tij, Rama bëri gjithë këtë lojë për shkak se Meta nuk heshti për masakrën që po bëhej me ndryshimet kushtetuese në tetor, kur konkretisht u ndryshua Kodi Zgjedhor. “Duke përdorur një pjesë të opozitës brenda në kuvend në 15 qeshor u depozituan ndryshime kushtetuese për tiu pamundësuar opozitës jashtë parlamentit pjesëmarjen në garë në kushte të barabarta. Pasi u ndryshua kodi zgjedhor me marrëveshje në 30 korrik u ndrysha dhe kushtetuta. Në 6 shtator 2020 presidenti miratoi 25 prillin ndërkohë që dekretimi u bë me rregullat zgjedhore që ishin. Maxhoranca në 5 tetor bëri ndryshime të kodit zgjedhor, Presidenti nuk heshti madje ju drejtua dhe kesaj gjykate, Gjykata nuk ishte funksionale për t’u shprehur”, tha ai. Ndërsa i kërkoi Kushtetueses të jetë e paanshme dhe të shohi parregullësit që janë bërë në procesin për shkarkimin e presidentit.
Discussion about this post