Ish-presidenti i Republikës Bujar Nishani ka reaguar në lidhje me shkarkimin e Sekretares së degës së PD në Sarandë, Matilda Qurku.
Në një postim në facebook, Nishani shkruan se ky është një veprim, që e bëjnë vetëm disa ordinerë dhe banditë.
“Kush janë këta që shkarkojnë Sekretaren e Degës së Sarandës, pa asnjë arsye, pa kurrfarë legjitimiteti statutor, pa kurrfarë gjykimi, dëgjimi, shqyrtimi e vendimi të Kryesisë. Ju them unë se kush jeni ju. Jeni ca banditë ordinerë ! Mjeranë vulgarë që nuk keni as konceptet e turpit, moralit, formatit të ekzistencës së një humani”, ka shkruar ai.
Më tej ai thekson se demokratët do e ringrenë sërish Partinë Demokratike.
“Ju nuk keni asnjë element ku të krahasoheni me një zonjë të nderuar që i jep dinjitet familjes së saj, qytetit të Sarandës, Partisë Demokratike, vetë kësaj shoqërie. Por unë po ju nënvizojë veç një element dallues tuajin me të. MORALIN ! I saji shkëlqen, juaji kutërbon ! Demokratët do ta ringrenë Partinë Demokratike, sepse do të shpëtojnë Shqipërinë !”, ka përfunduar ai.
Discussion about this post