Brenda pak orëve në Seria A është shkarkuar edhe trajneri i dytë. Pas prishjes së kontratës nga klubi i Veronës me Eusebio di Francescon, duket se i njëjti vendim është marrë edhe nga Cagliari.
Ata kanë vendosur që të largojnë nga detyra trajnerin Leonardo Semplici, të cilin e fajësojnë për marrjen e dy humbjeve dhe të vetëm një barazim në tre ndeshjet e luajtura në kuadër të sezonit 2021-2022 të Seria A.
Në tre javë skuadra sarde ka grumbulluar vetëm një pikë në tre ndeshje, ndaj edhe klubi i Cagliarit kanë vendosur të ndryshojnë trajnerin e tyre raporton ‘Sky Sports’.
Ndërsa ende nuk është bërë një komunikim zyrtar për këtë lajm nga vetë klubi i Cagliarit./Gijotina.com
