Shkarkohet drejtoresha e ZVAP në Elbasan, kush e zëvendëson

Është shkarkuar nga detyra drejtoresha e Zyrës Vendore të Arsimit Publik në Elbasan, Anila Çota. Mësohet se, në vend të saj është emëruar Ermir Çela.

Çela është pedagog i jashtëm pranë departamentit të Matematikës në Universitetin “Aleksandër Xhuvani” në Elbasan dhe mbante detyrën e Drejtorit në Gjimnazin “Konstandin Kristoforidhi”.

Burimet bëjnë me dije se është paralajmëruar se do nisë vala e shkarkimit të pjesës dërrmuese të drejtorëve të institucioneve dhe të mjaft drejtorive me qëllim rritjen e performancës së punës e mbi të gjitha ofrimin e shërbimeve.

Disa ditë më parë, ministrja e Arsimit, Evis Kushi shkarkoi nga detyra drejtoreshën e Qendrës së Shërbimeve Arsimore, Rezana Vrapi, për arsye ende të paditura.