Drejtori i Përgjithshëm i Agjencisë Kombëtare të Mjedisit Edison Konomi, me vendim të Këshillit të Ministrave është shkarkuar nga detyra. Ndërkohë është njoftuar dhe emri i ri që do të zëvendësojë Konomin, bëhet fjalë për Arta Dollanin, ish-drejtoresha e Institutit Kombëtar të Trashëgimisë Kulturore si dhe punonjëse pranë Bashkisë Tiranë si planifikuese urbane.
Edison Konomi e mori postin e tij si drejtori i Përgjithshëm i Agjencisë Kombëtare të Mjedisit në nëntor të vitit 2017.
Vendimi i qeverisë
Lirimin dhe emërimin në detyrë të drejtorit të përgjithshëm të agjencisë kombëtare të mjedisit
Në mbështetje të nenit 100 të Kushtetutës dhe të pikës 1, të nenit 61, të ligjit nr.10431, datë 9.6.2011, “Për mbrojtjen e mjedisit”, të ndryshuar, me propozimin e ministrit të Turizmit dhe Mjedisit, Këshilli i Ministrave
V E N D O S I:
1. Z. Edison Konomi, drejtor i Përgjithshëm i Agjencisë Kombëtare të Mjedisit, lirohet nga kjo detyrë.
2. Znj. Arta Dollani emërohet drejtor i Përgjithshëm i Agjencisë Kombëtare të Mjedisit.
Ky vendim hyn në fuqi menjëherë.
Discussion about this post