Efektivi i repartit RENEA, i njohur si Xen Alushi është shkarkuar nga detyra. Xen është heroi i njohur për shpëtimin e një familje në Durrës gjatë periudhës së tërmetit të 26 nëntorit nuk është më pjesë e repartit të cilit i shpërbeu për 30 vite me radhë. Lajmin aspak të këndshëm e ka bërë të ditur sot vetë ai përmes një postimi në rrjetin social Facebook.
Teksa ka kujtuar 30-vjetorin e krijimit të repartit të RENEA-s, ai ka ndarë dhe të gjitha vështirësitë që kalojnë ish-kolegët e tij teksa sakrifikojnë për popullin. Alushi shprehet i revoltuar ndaj komandantëve e reparteve që, sipas tij shohin të gjithë djemtë e RENEA-s si pronë duke mos i trajtuar me respekt. “Drejtuesit aktual te cilët njihen si (15 xhirot rreth fushës) duket qe e paskan privatizuar këtë repart dhe në këtë dite shumë të rëndësishme të 30 vjetorit te krijimit te RENEA-s thërrasin në “dasmë” vetëm ata që dine te kërcejnë. Publikisht u them se duhet t’iu vij turp kur mburreni me gjakun e heronjve te RENEA-s dhe se historia mund te keqinterpretohet por kurrë, të fshihet”, shkruan ndër të tjera ish -efektivi i RENEA-s.
Sakaq kujtojmë se, ditën e sotme në repartin e RENEA do të mbahet ceremonia për kujtimin e e 30 vjetorit të krijimit. Nuk dihet ende nëse do të jenë të ftuar edhe këta ish-efektivë të shkarkuar. E.H/ gijotina.com/
Discussion about this post