Komisioni i Pavarur i Kualifikimit(KPA), ka shkarkuar sot nga detyra gjyqtaren pranë Gjykatës së Rrethit Gjyqësor Fier, Matilda Shallën.
KPA ka zhvilluar sot seancën për shpalljen e vendimit për gjyqtaren Shalla, ku trupa gjykuese e përbërë nga Etleda Ciftja, Roland Ilia, Pamela Qirko, vendosi shkarkimin nga detyra të Shallës.
Gjatë seancës dëgjimore më 26 prill, Komisioni konstatoi balanca negative në vlera të mëdha në transaksionet e gjyqtares Shalla dhe ish-bashkëshortit të saj për blerjen e disa apartamenteve, për të cilat ajo këmbënguli se bëhej fjalë për të njëjtën banesë. Shalla dha shpjegime edhe për situatën e pasurisë pas zgjidhjes së martesës.
Matilda Shalla përfundoi studimet në Shkollën e Magjistraturës në vitin 2008 dhe punoi fillimisht si gjyqtare në Gjykatën e Durrësit. Prej vitit 2009, Shalla e ushtron funksionin në Gjykatën e Rrethit Fier.
Discussion about this post