Prokurori Milan Laskaj i Prokurorisë së Tiranës u shkarkua të mërkurën nga Komisioni i Pavarur i Kualifikimit, pasi u përball me barrë prove për bilancet negative në kriterin e pasurisë dhe dyshimet për fshehjen e një automjeti.
Gjatë seancës dëgjimore, Laskaj i kundërshtoi këto gjetje të Komisionit. Vendimi për prokurorin Milan Laskaj u mor nga trupa e KPK e kryesuar nga Alma Faskaj, me relatore Pamela Qirkon dhe anëtare Xhensila Pine. Në cilësinë e vëzhguesit ndërkombëtar ishte i pranishëm Ferdinando Buatier.
Milan Laskaj e ka nisur karrierën në sistemin e drejtësisë në vitin 2000 si prokuror në Prokurorinë e Tropojës. Ai ka punuar më pas në Prokuroritë e Elbasanit dhe Lezhës, përpara se të transferohej në Prokurorinë e Juridiksionit të Përgjithshëm Tiranë.
Discussion about this post