Është shkarkuar përfundimisht nga detyra dhe është larguar nga policia e shtetit shefi i komisariatit të Përmetit, Petrit Gjokaza, që ishte pezulluar më parë nga Gjykata për kultivim të lëndëve narkotike. Ky vendim është marrë nga drejtori i përgjithshëm.
Operacioni që solli pezullimin e tij fillimisht nga detyra, u zhvillua për më shumë se 5 muaj nga agjentët e SHÇBA-ve, të cilët zbuluan edhe parcelat e mbjella në zonën e fshatit Zavalan, Përmet.
Parcela është pikasur nga Shërbimet për Çështjet e Brendshme dhe Ankesat (SHÇBA) dhe duke parë që nga efektivët nuk është ndërmarrë asnjë masë, ka nisur aksioni për procedimin e zyrtarëve.
Në vend të Gjokazës është emëruar Bledar Metaj që më parë mbante postin e shefit të rendit në Fier.
Discussion about this post