Një grup kriminal që grabiste statuja me vlerë historike është goditur nga policia greke. Mësohet se në mesin e të arrestuarve në këtë grup, ishte dhe një grua shqiptare, roli i të cilës ende nuk dihet. Statujat që grabisnin ishin me vlera historike si dhe artistike, përkatësisht statuja si ato të Eleftherios Venizelos, heroit Delvois, Philidas, Sinopoulos, Stelios Kazantzidis. Grupi u çmontua pas denoncimeve të shumta për të cilat nisën menjëherë hetimet. Pjesëtarët e tjerë të grupit i përkisnin moshave 36, 32, 53 vjeç. Banda ishte e njohur për grabitje, heqje të sendeve me vlerë të ekspozuara në ambiente publike si edhe njihej për shkelje të ligjit për armët.
Sakaq 36-vjeçari dhe 35-vjeçarja u arrestuan në zonën e Artemidës dhe 53-vjeçari në zonën e Açarnës, ndërsa 32-vjeçari është në kërkim.
Discussion about this post