Autoritetet në Itali kanë goditur një organizatë kriminale që përbëhej nga trafikantë shqiptarë dhe italianë. Sipas mediave fqinje, janë sekuestruar 187 kilogramë kokainë. Lënda narkotike në rast se hidhej në treg, do ti sillte këtij grupi kriminal një fitim mbi 5 milionë euro.
Droga ishte e fshehur brenda një kontenieri e cila mbërriti në portin e Vado Ligure, për ta trafikuar më pas në të gjithë Italinë.
Lexo edhe: “S’mund të pushtoni fqinjët”/ Kryeministri Britanik ‘shpërthen’ ndaj Lavrov
Autoritetet italiane të Guardia di Finanzës së Savonës kanë arrestuar 4 persona, 3 nën masë ndalimi me burg dhe 1 person nën ndalimin e banimit në territorin savonez. Gjithashtu është raportuar se janë kryer edhe 6 kontrolle banesash, raporton ilsecoloxix.
Aktiviteti kriminal i tyre shtrihej në pjesën veri-perëndimore të Italisë e me klientë në të gjithë territorin e vendit. Hetimet e Prokurorisë së Savonës i përkasin viteve 2020-2021 të cilët e nisën pas arrestimit të 5 personave me sasi kokaine e hashashi, e cila ishte pikënisja e këtij operacioni.
Gjatë fazës investigative janë sekeustruar 18 kg hashash dhe 500 gramë kokainë. Të arrestuarit janë transferuar në burgun e Genovas të cilët janë në dispozicion të autoriteteve gjyqësore.
Discussion about this post